Verse 1
ಯೆಂಕ್ ಚಿಂತೆ ದಾಯೆ?
ಚಿಂತೆ ಮಳ್ಪುನಾಯೆ
ಉಳ್ಳೆ ಸ್ವರ್ಗೊಡೇ.
ಆಯಡ್ ವಿಶ್ವಾಸ
ದೀಪೆ್ ಯೆನ ಸಾಸ
ಮಾತ ವ್ಯರ್ಥನೇ.
ಲೋಕೊಡು ದುರಾಶೆಳು
ಜನೊನು ತಿಕ್ಕಾದ್ ಪಾಡು
ಯೆಂಕ್ ಯೇಸು ಬೋಡು.
Verse 2
ಯೆಂಕ್ ಮಾತ ದಾನ
ಸ್ವರ್ಗ ಯಜಮಾನ
ಪ್ರೀತಿ ದಯೊಡ್ದೇ
ತಿಕ್ಕುಂಡು ಐಕಾದ್
ಆಯನೇ ಹರ್ಷಾದ್
ಪುಗರೊಣುವೆ್.
ಆತ್ಮೊಗ್ಲಾ ಸರ್ವಾಂಗೊಗ್ಲಾ
ಒವು ಬೋಡು ಪಿಂಬೆ ಆಯೆ
ಚಿಂತೆ ಮಳ್ಪುನಾಯೆ.
Verse 3
ಕೈಟ್ ಪಣೌ ದಾಂತೆ
ಕ್ಷೇಮಲಾ ಇಜ್ಜಂದೆ
ಬಾಳೊಡಾಂಡಲಾ
ಬೊಬ್ಬೆ ಬೊಡ್ಚಿ ಪ್ರಾಣಾ
ನಿಕ್ಕ್ ತಿಕ್ಕು ಮಾನ
ಒಂತೆ ಕಾಪುಲ
ಆತ್ಮೊಗು ಸಂತೋಷೊನು
ಕೊರ್ಪಿ ಸ್ವಾಮಿ ನಿನ ಅಮ್ಮೆ
ನನ ನಿಕ್ಕ್ ದಾನೆ.
Verse 4
ಆತ್ಮೊಗು ಆಧಾರ
ಕೊರ್ಪಿ ಸ್ವಾಮಿ ಸಾರ
ತರೊಳೆಡ್‍ಲಾ
ಕಾಯೊಗು ಬೋಡಾದ್
ಸಾದಿನ್ ತೋಜಾದ್
ಕೈ ಕೊರಯೆನಾ?
ದಾದೌಲಾ ಬೋಡಾಪುಂಡಾ
ಐನ್ ನಟ್ಟೊಣ್ಲ ಬುಡಂದೆ
ಕೊರ್ಪೆ ಕುಚ್ಚೊಣಂದೆ.
Verse 5
ಪೂರಾ ಪ್ರೀತಿಗಾದ್
ಪಾಪೊಡ್ದು ಬುಡ್ಪಾದ್
ಶುದ್ಧ ಮಳ್ತ್ರಿಯೆ.
ಪ್ರಾಯಶ್ಚಿತ್ತ ಕೊರ್ದು
ಯೆನನ ಈತೊರ್ತು
ನಡಪುಡಿಯೆ
ಈತೇನಾ? ಏತಾಶ್ಚರ್ಯ
ಯೆನ ನಿತ್ಯ ಸುಖೊಕಾದ್
ಕಾಪುವೆ ನಿಜಾದ್.