Verse 1
ಪಾಪಿಳೆನ್ ಲೆಪ್ಪುವೆ
ಸಮಜೈಸು ಸಮಾಚಾರ
ಸರ್ವೆರೆಗ್ ಸಾರಿಲೆ
ಮಾತ ಪಾಪ ಪರಿಹಾರ
ಬೆಂಙೊಣು ಪಾಪಾತ್ಮಗೇ
ಕೊರ್ಪೆ ಯೇಸು ರಕ್ಷಕೆ.
Verse 2
ಯೋಗ್ಯದಾಂತಿನಾಕುಳು
ಆದ್ ಪೋಯಿ ಸರ್ವೆರೆಗ್
ಆಯೆ ತನ ವಾಕ್ಯೊಡು
ಪಣ್ಪೆ ಸಮಜೈಸಿಗೆಗ್
ಬಲ್ಲ ಯೆನ ಕೈತಳೇ
ಕೊರ್ಪೆ ಸುಖ ನಿಜನೇ.
Verse 3
ನಂಬಿಗೆದ ಕುರುಬೆ
ತತ್ತ್‌ಪೋಯಿ ಕುರಿಕಾದ್
ಚಿಂತೆ ಮಳ್ಪುಲೆಕ್ಕನೆ
ಯೇಸು ತಾನೇ ನಿಶ್ಚಯಾದ್
ನಾಡೊಣ್ದುಳ್ಳೆ ಬುಡಂದೆ
ಪಾಪಿಳೆನ್ ಲೆಪ್ಪುವೆ.
Verse 4
ಬಲ್ಲೆ ಯೇಸು ಲೆಪ್ಪುವೆ
ದುಃಖ ಮಳ್ಪಿ ಪಾಪೊಗಾದ್
ಬಲ್ಲೆ ಮಾತ ಪಾಪಿಳೇ
ಆತ್ಮಸುಖೊಕು ಬೋಡಾದ್
ಪೂರಾ ಕ್ಷಮೆ ಕೊರ್ಯೆರೆ
ಪಾಪಿಳೆನ್ ಲೆಪ್ಪುವೆ.
Verse 5
ಯಾನ್ ಬತ್ತೆ್ ಕರ್ತವಾ
ಯೆನ ಮಾತ ಪಾಪೊಳೆನ್
ದಯೊಟೇ ಕ್ಷಮಿಪುಲ
ಯೆನ ಮಾನ ಪೇಶಿಗೆನ್
ತೀರಾ ಶುದ್ಧ ಮಳ್ಪುಲ
ಪ್ರಿಯ ಯೇಸೋ ರಕ್ಷಕಾ.
Verse 6
ಪಾಪಿಳೆನ್ ಲೆಪ್ಪುವೆ
ಅಂದ್ ಯಾನ್‍ಲಾ ಈ ವಾಕ್ಯ
ನಂಬೊಣ್ದಾಯ ಕೈತಳೇ
ಬೈದೆ್ ಇತ್ತೆ ದಿವ್ಯ ಭಾಗ್ಯ
ಸಮಾಧಾನ ಹೊಂದಿಯೆ
ಪಾಪಿಳೆನ್ ಲೆಪ್ಪುವೆ.
Verse 7
ಪ್ರಿಯ ಯೇಸೋ ನಿತ್ಯೊಗು
ಯಾನ್ ಪೂರ್ತಿ ಮನಸಾದ್
ನಿನನೇ ಪುಗರೊಣ್ದು
ಉಪ್ಪುವೆ್ ಈ ದಯೊಕಾದ್.
ಉಂದೇ ಯೆನ ಅರಿಕೆ
ಪಾಪಿಳೆನ್ ಲೆಪ್ಪುವೆ.