Verse 1
ಸನ್ಮಾನ ನಿಕ್ಕ್ ಕರ್ತವಾ
ಸಂತೋಷ ಮಳ್ಪುವೆ್.
ಯೆಂಕಾದ್ ಸ್ವರ್ಗೊಡಾಳುವ
ಯೆನಾಶೆ ನಿನೌಳೇ.
Verse 2
ಈಯ್ಯಾದ್ ದುಷ್ಟ ಲೋಕೊಡು
ಸಂಚಾರ ಮಳ್ತ್‌ದ.
ಯೆನನ್ ಪರ ಊರುಡ್ದು
ನಿನೌಳು ಸೇರಾಲ.
Verse 3
ಈಲಾ ಈ ಲೋಕಕಷ್ಟೊನು
ಅನುಭವಿತೊಂಡ.
ಉಂದೆಂಕ್ ಧೈರ್ಯಕೊರ್ಪುಂಡು
ಇಕ್ಕಟ್ಟ್ ಆನಗ.
Verse 4
ನಿನ್ನಾಕ್ಳೆಗಾಪಿ ಶ್ರಮೆನ್
ಕಟಾಕ್ಷಭಾವೊಡು
ಈ ತೂದು ನಿನ ಮೋಕೆನ್
ತೂಪಾವ ಕ್ಷಣೊಟು.
Verse 5
ಈ ಪ್ರೀತಿ ಮಳ್ಪು ಲೆಕ್ಕನೆ
ಭೂಲೋಕೊಡೊರ್ಮೆಲಾ
ಯೇರಾಂಡ್ಲ ಪ್ರೀತಿ ಮಳ್ಪಯೆ
ಈ ಜ್ಞಾನ ಪುಟ್ಟಾಲ.
Verse 6
ಸೈತಾನೆ ಲೋಕ ಮರಣ
ಈ ಮುಖ್ಯ ವೈರಿನೇ
ಆ ಪ್ರೀತಿ ಗೆಂದಿ ಕಾರಣ
ಯೆಂಕಾಂಡ್ ರಕ್ಷಣೆ.
Verse 7
ವಿಶ್ರಾಂತಿಲಾ ಐಡ್ದಾಪುಂಡು
ಯಾನ್ದಾಲಾ ಪೋಡ್ಯಯೆ್.
ನಿನಾತ್ಮ ಯೆಂಕ್ ಪಣ್ಪುಂಡು
ಈ ದೇವ ಬಾಲೆನೇ.
Verse 8
ಸಂಕಷ್ಟ ಯೆಂಕ್ ಆನಗ
ನಿನನ್ ಪತ್ತುವೆ್.
ಈ ಒಟ್ಟುಗುಳ್ಳ ಕರ್ತವಾ
ಉಂದೆನ ನಂಬಿಗೆ.
Verse 9
ಉರ್ಡಾಟ ಮಳ್ತ್ ಗೆಂದಿಯ
ಆ ಜಯ ತಿಕ್ಕೊಡ್ಡ
ಅವ್ವೇ ಪ್ರಕಾರ ಯಾನ್‍ಲಾ
ಪೇಚಾಡೊಡೇಪಲಾ.
Verse 10
ಕಡೇಕ್ ಸಾವು ಬನ್ನಗ
ಪ್ರಯಾಣ ಮುಗಿಂಡ್
ಈ ಯೆಂಕ್ ಕೊರ್ವ ಆನಂದ
ಔಳಮ್ಮ ಇಲ್ಲಡ್.