Verse 1
ಕ್ರಿಸ್ತ್ಯೇಸೋ ಮಲ್ಲ ಭಂಙೊಡು
ನಿಕ್ಕಿತ್ತೆ ಬುಳ್ಪುನಾಯೆ
ಆದುಪ್ಪು ಯೆಂಕ್ ಕ್ಷಮಿಪು
ಈ ದಯ ಇತ್ತಿನಾಯೆ.
ಈ ಯೆನ ಪಾಪಕರ್ಮೊಗು
ತಕ್ಕಾಯಿ ಶಿಕ್ಷೆ ಕೊರುದು
ತೀರ್ತಡ ದಾನೆ ಆವು?
Verse 2
ಅನ್ಯಾಯ ಸಮ ಮಳ್ಪೆರೆ
ಮಾರ್ಗಿಜ್ಜಿ ಯೆಂಕುಳೆಗ್
ಐಕಾದ್ ನಿನ ದಯೊಟೇ
ಆಶ್ರಯ ತಿಕ್ಕುನೆಕ್
ಪ್ರಯತ್ನ ಮಳ್ತ ಯೆಂಕುಳು
ಈ ಮಲ್ಲ ಕಂಗಲ್ತನೊಡು
ಪೂರ್ತ್ಯಾದ್ ಸೋತು ಪೋಯ.
Verse 3
ಕಟಾಕ್ಷ ಇತ್ತಿ ಕರ್ತವಾ
ಹೃದಯ ಪೂರಾ ಖಾಲಿ
ಆದುಂಡು. ಪುಣ್ಯ ಒಂಜಿಲಾ
ತೂಪಾವೊಣ್ಯರೆ ಬಲ್ಲಿ.
ಅನ್ಯಾಯ ಹೊರ್ತು ಒವುಲಾ
ಯೆಂಕುಳೆಡಿಜ್ಜಿ ರಕ್ಷಕಾ
ಈ ದಯೊನೇ ತೋಜಾಲ.
Verse 4
ಓ ದೇವೆರೇ ಕರುಣಲಾ
ಸಹಾಯಲಾ ತೋಜಾಲ.
ಕ್ರಿಸ್ತ್ಯೇಸೋ ನಾಶ ಮಳ್ಪಡ
ಪಾಪೊಡ್ದು ಬುಡುಪಾಲ.
ದಿನಾಲಾ ಯೆಂಕ್ಳು ನಿನನೇ
ಕಾತೊಣ್ದು ಉಳ್ಳ ದೇವೆರೇ
ವಿಶ್ವಾಸ ಧೈರ್ಯ ಕೊರ್ಲ.
Verse 5
ಅನ್ಯಾಯ ದಿಂಜ ಉಂಡುಡ್ಲಾ
ಯತೇಷ್ಟ ನಿನ ದಯ.
ಈ ಯೆಂಕ್ಳೆ ಪಾಪ ತೂನಗ
ವಿಚಿತ್ರದ ಸಹಾಯ
ತೋಜಾಯ ಎಡ್ಡೆ ಕುರುಬಾ
ವಾ ಮೋಸೊಗಾಂಡ್ಲಾ
ತಪ್ಪಾಲ ವಿಶ್ವಾಸದಾಕುಳೆನ್.