Verse 1
ದೂರೊಡ್ದು ತೂಯೆ್
ನಿನ ಸಿಂಹಾಸನ
ಸಂತೋಷ ಆದ್
ಅಡೆಗ್ ಪೋವೊಡ್ಚಾ?
ಯೆಂಕೌಳು ಉಂಡು ಸೌಖ್ಯ ಜಾಗ
ಮಳ್ಪುವೆ ನಿತ್ಯ ಸಂತೋಷ ರಾಗ.
Verse 2
ಈ ಲೋಕಡಿತ್ತಿ
ಅನೇಕ ಕಷ್ಟೊಡ್ದು
ಪಾಪೊಡ್ದು ಬತ್ತಿ
ಅಸಮಾಧಾನೊಡ್ದು
ಸದಾ ಯೆಂಕುಂಡು ದಿಂಜ ದುಃಖ
ನಿನಡ್ದ್ ಯೇಸೋ ಯೆಂಕಾಂಡ್ ಸುಖ.
Verse 3
ಈ ಯೆನಡಿತ್ತಿ
ದುರ್ಗುಣ ತೂಂಡಲಾ
ಈ ಯೆಂಕ್ ಮಳ್ತಿ
ಕಟಾಕ್ಷ ಆಶ್ಚರ್ಯ
ಈ ಪ್ರೀತಿ ನಿಚ್ಚ ಯೆನ ಪಾಪ
ದೆಪ್ಪುಂಡು ಪೋಪುಂಡು ಐತ ಶಾಪ.
Verse 4
ಅನ್ಯಾಯ ಮೋಸ
ಇಜ್ಜಂದಿ ಸ್ಥಳೊಟು
ಸಂಪೂರ್ಣ ಶುದ್ಧ
ಆದುಪ್ಪು ಪಟ್ಣೊಡು
ನಿನ್ಮೋಣೆ ತೂವೊಡಿನ್ಪಿ ಆಶೆ
ಉಪ್ಪುಂಡು ಕೊರ್ಲ ಈ ಅಭಿಲಾಷೆ.
Verse 5
ಆ ಬೊಳ್ಪುಡ್ಯೇಪ
ನಿನನ್ ತೂವೊಲಿ?
ಹರ್ಷಾದ್ ಯೇಪ
ಔಳೇ ಕೊಂಡಾಡುನಿ?
ನಿರೀಕ್ಷೆಡುಂಡು ನಂಕ್ ಸುಖ
ಔಳಾಂಡ ಪೋಪುಂಡು ಮಾತ ದುಃಖ.