Verse 1
ಮಾತೆರೆಗ್ ಬರು ಸಾವು
ನಮ ಪಜಿರ್ಲೆಕ್ಕತ್ತಾ.
ಬಿತ್ತ್ ಕುರಿಪೋಪಿನವು
ಹೊರ್ತು ಮುಂಗೆ ಬರುವಾ?
ಅಂಚ ಕ್ರಿಸ್ತ ಭಕ್ತೆರೆಗ್
ದೀತಿ ನಿತ್ಯ ಮಹಿಮೆಗ್
ಸೇರುನೌ ಶರೀರೊಗು
ದುಂಬು ಲಯ ಬರೊಡು.
Verse 2
ಉಂದೆಕಾದ್ ನಮ ಜೀವ
ಸ್ವಾಮಿ ಚಿತ್ತ ಇತ್ತ್ಂಡ
ಆಯ ವಶ ಕೊರ್ದು ಪೋವ
ದುಃಖದಾಂತೆ ಲಕ್ಕುವ.
ದಾಯೆ? ನಮ ಯೇಸು ಗಾಯ
ರಕ್ಷಣೆದ ಮುಖ್ಯಾಶ್ರಯ
ಸಮಜೈಸು ಒಸರೇ.
ಯೆಂಕ್ ಗತಿ ಯೇಸುವೇ.
Verse 3
ನಂಕಾದಾಯೆ ಸೈತಿನೆಡ್ದ್
ಆಂಡ್ ಈ ಪ್ರಯೋಜನ.
ಆಯೆ ತನ ಶ್ರಮೆಳೆಡ್ದ್
ದುಡಿಯೆ ಸಂಜೀವನ.
ಈ ಪ್ರಪಂಚದಾಶೆಳೆನ್
ಬುಡ್ದು ನಿತ್ಯ ಮಹಿಮೆನ್
ದೇವಸನ್ನಿಧಾನೊಗು
ಪೋದು ತೂಪ ಹರ್ಷೊಡು.
Verse 4
ನಿತ್ಯಭಾಗ್ಯ ಹೊಂದುದಾಯಿ
ಲೆಖ್ಖದಾಂತಿ ಆತ್ಮೊಳೆ
ಸುಖೊಳೆಗ್ ಸೇರ್ದ್‍ಪೋಯಿ
ನಂಕ್‍ಲಾ ಸಂತೋಷನೇ.
ಶುದ್ಧ ಶುದ್ಧ ದೇವೆರೆಗ್
ಮಾನ ಕೊರ್ಪಿ ದೂತೆರೆಗ್
ಕೂಡ್ದು ಮಳ್ಪ ನಿತ್ಯೊಗು
ರಾಗ ಆಯ ಸ್ತೋತ್ರೊಗು.
Verse 5
ಓ ಯೆರೂಸಲೇಮ್ ಪವಿತ್ರ
ಮೆಂಚುನವು ಪಟ್ಟಣಾ.
ನಿನಡಾಪಿನೌ ವಿಚಿತ್ರ
ಸ್ತುತಿ ಸ್ತೋತ್ರ ಸರ್ವದಾ
ಏತೋ ಹರ್ಷ ಏತೋ ಸುಖ
ದೂರ ಆಂಡ್ ಮಾತ ದುಃಖ.
ಸೂರ್ಯೆ ಇತ್ತೆ ಮೂಡುದು
ನಿತ್ಯ ಸಬ್ಬತ್ತಾಪುಂಡು.
Verse 6
ನಿನಡುಪ್ಪು ಮಹಿಮೆನ್
ಮುಂಗಾಣಾದ್ ದೆತ್ತೊಂಡೆ್.
ಇತ್ತೆ ಬೊಳ್ದು ಕುಂಟುಳೆನ್
ಯಾನ್ಲಾ ಪೊದೆತೊಣುವೆ.
ಕೇಣುವೆ ಆ ಪೊಸ ಗೀತ
ಹೊಂದೆ್ ಜಯತ ಕಿರೀಟ
ಮುಗಿಯಂದಿ ಭಾಗ್ಯೊಡೇ
ಯಾನ್ಲಾ ಪಾಲ್‍ಗಾರೆನೇ.