Verse 1
ಯಾನ್ಲಾ ಯೆನಿಲ್ಲದಾಕ್ಳುಲಾ
ಕರ್ತವ ಸೇವೆ ಮಳ್ಪುವ
ಮೂಳುಪ್ಪುನಾತ್ ಕಾಲ
ಶ್ರೀ ಯೇಸೋ ಪ್ರಿಯ ರಕ್ಷಕಾ
ಧನಿ ಈಯೇ ಆದುಪ್ಪುಲ
ನಿನಾಶೀರ್ವಾದ ಕೊರ್ಲ
ಎಲ್ಲಿ ನೇಲಿ
ಪೊಣ್ಣು ಆಣ್ ಯಜಮಾನೆ
ಚಾಕ್ರಿಜನ
ನಿಕ್ಕ್ ಕೊರೊಡು ಸನ್ಮಾನ.
Verse 2
ಪವಿತ್ರ ನಿನ ಆತ್ಮನೇ
ಸುವಾರ್ತೆದ ಮುಖಾಂತ್ರೊಡೇ
ಯೆಂಕ್ಳೆ ಹೃದಯೊಳೆಡ್
ಬುಡಂದೆ ಬೇಲೆ ಮಳ್ಪೊಡು
ಪ್ರಕಾಶ ಸುಖ ಕೊರೊಡು
ಯೆಂಕುಳೆ ಇಲ್ಲುಳೆಡ್.
ಕೊರ್ಲ ಅಮ್ಮಾ
ಜೀವಪೋಷ ಹೃತ್ಸಂತೋಷ
ನಿತ್ಯಕಾಲ.
ಅಂತ್ಯ ಮುಟ್ಟ ನಡಪಾಲ.
Verse 3
ಸಮಸ್ತ ಯೆಂಕ್ಳೆ ಇಲ್ಲ್‌ಗ್
ಐಟುಪ್ಪು ಎಲ್ಲಿ ನೇಲಿಗ್
ಪವಿತ್ರ ಸಮಾಧಾನ.
ಈ ದಯ ಮಳ್ಪು ಕರ್ತವಾ
ಪುಟ್ಟಾಲ ಪ್ರೀತಿದೈಕ್ಯಲಾ
ಆಪತ್ತ್‌ಡ್ ಸಹನ.
ಪೂರ್ತಿ ಪ್ರೀತಿ
ಭಕ್ತೆರೆಡ್ ಮಾತೆರೆಡ್
ತೋಜ ಶೀಲ
ಯೆಂಕುಳೆಡ್‍ಲಾ ಹೆಚ್ಚಾಲ.
Verse 4
ಸಂಸಾರ ಇಲ್ಲ್ ಇಡೆತ
ಬುನಾದಿಲಾ ಆಧಾರಲಾ
ನಿನತಿ ಶ್ರೇಷ್ಠ ದಯ.
ಇಕ್ಕಟ್ಟ್‌ದ ಸಮಯೊಡು
ಈ ದಯತ ಸಹಾಯೊನು
ನಂಬೊಣುನೌ ಹೃದಯ.
ಅಮ್ಮಾ ಕೊರ್ಲ
ಕಷ್ಟ ನಷ್ಟ ಭಂಙ ಭ್ರಷ್ಟ
ಬರ್ಪಿನ್ಯಾಂಡ
ಯೆಂಕುಳೆನ್ ಮಳ್ಪು ಶಾಂತ.
Verse 5
ಪವಿತ್ರ ಆತ್ಮ ಹೊರ್ತಂದೆ
ದುರಾತ್ಮ ಯೆಂಕ್ಳೆ ಇಲ್ಲ್‌ಡೇ
ಪೊಗ್ಗಂದಿಲೆಕ್ಕ ತೂಲ.
ಮರ್ಯಾದಿ ಕ್ರಮ ಮಾತಲಾ
ಆಯ ಮುಖಾಂತ್ರ ಕಲ್ಪಾಲ
ಈ ಜೀವೊಡುಪ್ಪು ಕಾಲ.
ಬೊಕ್ಕ ಲೋಕ
ಬುಡ್ದು ನಿನ ಸ್ವರ್ಗ ಇಲ್ಲ
ಒಕ್ಕೆಲಾದ್
ಸ್ತೋತ್ರ ಮಳ್ಪ ನಿಶ್ಚಯಾದ್.