Verse 1
ಸಂತೋಷ ಸುಖ ನಿಜ ಸಮಾಧಾನ
ಕುಟುಂಬೊಗಾದ್ ಯೇರ್ ಕೊರುವೆ?
ಬೋಡಾಪಿ ದಾನೊಳೆಡ್ ಮಲ್ಲದಾನ
ತಿಕ್ಕೊಡ್ಡ ಬೋಡು ಒರಿ ಸ್ನೇಹಿತೆ.
ನಮ್ಮೌಳುಲಾ ಪ್ರವೇಶ ಆಪಿನಾಯೆ
ವಿಶೇಷ ಇಷ್ಟೆ ಯೇಸು ಕ್ರಿಸ್ತೆನೇ.
ಸಂತೋಷೊಡಾಯನ್ ಸೇರಾವುನಾಯೆ
ಮಹಾ ಸುಭಾಗ್ಯ ತಾನೇ ಹೊಂದುವೆ.
Verse 2
ಯೇಸುನು ಪ್ರೀತಿ ಮಳ್ಪುನಾಕುಳಾದ್
ಬದುಕು ಜನ ಭಾಗ್ಯವಂತೆರೇ.
ಇಂಚಿತ್ತಿನಾಕ್ಳು ಒಂಜೇ ಮನಸಾದ್
ಬುಡಂದೆ ಆಯ ಚಾಕ್ರಿ ಮಳ್ಪೆರೆ್
ಸೂಕ್ಷ್ಮಾದ್ ಆಯ ಪ್ರಿಯ ವರ್ತಮಾನ
ಕೇಣೋಣ್ದು ಪೂರ್ತಿ ಐತ ಲೆಕ್ಕನೇ
ನಡಪುನೆಡ್ದ್ ಕರ್ತವಗ್ ಮಾನ
ಉಂಡಾಪಿಲೆಕ್ಕ ತೂಪಿನಾಕುಳೇ.
Verse 3
ಕ್ರಿಸ್ತ್ಯೇಸು ಪ್ರೀತಿಡೇ ಒಮ್ಮನಸಾಯಿ
ಕಂಡಣ್ಯೆ ಬೊಡೆದಿಗ್ ಭಾಗ್ಯನೇ
ಉದ್ಧಾರ ಇಜ್ಜಿ ಯೇಸುಡೇ ಶಿವಾಯಿ
ಅಂದ್‍ದ್ ಸಾರ್ಯ್ಯುವೆರ್ ಹರ್ಷೊಡೇ
ಯೆಂಚಿತ್ತಿ ಕಷ್ಟ ಭಂಙ ಅನುಪತ್ಯ
ಈ ಜೀವಯಾತ್ರೆಡಾಕ್ಳೆಗಾಂಡಲಾ.
ಕ್ರಿಸ್ತ್ಯೇಸು ಒಟ್ಟುಗುಳ್ಳೆ ಇನ್ಪಿ ಸತ್ಯ
ನಂಬೊಣ್ದು ಧೈರ್ಯೊಡುಳ್ಳೆರೇಪಲಾ.
Verse 4
ಇಲ್ಲಡ್ ಬಾಲೆಳೆನ್ ದಿನನಿತ್ಯ
ಒಚ್ಚಿದ್ ಸ್ವಾಮಿ ಕೈಟ್ ಕೊರ್ಪಿನೌ
ಏತೋ ಸುಭಾಗ್ಯ ಉಂದೇ ದಿವ್ಯ ವಿದ್ಯ
ಅಪ್ಪೆ ಅಮ್ಮಾಡ್ಳು ಕಲ್ಪೊಡಾಪಿನೌ.
ಎಲ್ಲ್ಯಾಕುಳೆಗ್ ಯೇಸು ಮಲ್ಲ ಇಷ್ಟೆ
ದೇವೆರೆ ರಾಜ್ಯ ಆಕುಳೆನವೇ.
ಆತಂಕ ಕೊರ್ಪಿನಾಯೆ ಮಲ್ಲದುಷ್ಟೆ
ಉಂದೆನ್ ಎಣ್ಣುಲೆ ಓ ಅಮ್ಮಾಡ್ಳೇ.
Verse 5
ಸಂತೋಷ ಸುಖದ ಸಮಯೊಳೆಡ್
ಆಪತ್ತ್ ಆಪಿ ದಿನೊಳೆಡ್‍ಲಾ.
ಯೇಸುನು ನೆನೆತೊಣ್ದು ಸರ್ವದೆಟ್
ವಿಶ್ವಾಸ ಆಯ ಮಿತ್ತ್ ದೀತ್‍ಂಡ.
ಏತೋ ಸುಭಾಗ್ಯ ಉಂದು ನಿಜ ಜ್ಞಾನ
ಸಹಾಯ ಮಳ್ಪುನಾಯೆ ಆಯೆನೇ.
ಕೊರ್ಪೇವೆ ಜೀವಮಾನೊಡೇತೋ ತ್ರಾಣ
ಸೇರಾವು ಔಳು ಅಮ್ಮ ಇಲ್ಲ್‌ಗೇ.