Verse 1
ಯೇಸೋ ನಿನ ಸೇರ್ಗೆಡುಪ್ಪೆ್
ಈ ಯೆನನ್ ದೆತ್ತೊಂಡ
ನಿನ ಪಾದ ಸೇವೆ ಮಳ್ಪೆ್
ಜೀವ ಪೋನ ಮುಟ್ಟಲಾ.
ಈಯೇ ಯೆಂಕ್ ಜೀವಾಧಾರ
ಯೆನ ಬಲ ನಿನಡೇ.
ನಿನ ವಾಕ್ಯದ ಪ್ರಾಕಾರ
ನಡಪುಡ್ಲ ಬುಡಂದೆ.
Verse 2
ನಿಕ್ಕ್ ಸರಿ ಇತ್ತಿನಾಯೆ
ಓಳು ತಿಕ್ಕೆ ಸ್ವಾಮಿಯೇ
ದಾಲಾ ದೋಷದಾಂತಿನಾಯೆ
ಆದ್ ಉಪ್ಪು ನಿನನೇ.
ಬಲಿ ಕೊರ್ದು ಬುಡುಪಾಯ
ಆಂಡ್ ಯೆಂಕ್ ಸುಖನೇ.
ಈಯೇ ಬಲ ಇತ್ತಿ ಪಾಯ
ಗತಿ ಕೆಟ್ಟಿ ಪಾಪಿಗೇ.
Verse 3
ಯೇಸೋ ನಿನಡೊಪ್ಪ ಉಪ್ಪೆ್
ಸುಖದುಃಖಕಾಲೊಡು
ನಿನ ದಾಸೆ ಆದ್ ಉಪ್ಪೆ್
ಮುಳ್ತ ಆಳ್ತ ಜೀವೊಡು.
ನಿನ ಭಕ್ತೆರೆನ್ ಕಾಪ
ನಿನ ಮಲ್ಲ ದಯೊಡ್ದು
ಸ್ವರ್ಗಲೋಕದಾಕುಳಾಪ
ಒಟ್ಟುಡುಪ್ಪ ನಿತ್ಯೊಗು.
Verse 4
ಯೇಸೋ ಯೆನ ಒಟ್ಟುಗುಪ್ಪು
ಎಕ್ಕ್ ತೆಕ್ಕು ಕಾಲೊಡು
ನೀತಿಸೂರ್ಯಾ ನಿನ ಬೊಳ್ಪು
ಕೊರ್ದು ನಡಪಾವೊಡು.
ಕೂಡ್ದು ಪೂರ್ವ ಭಕ್ತಗುಂಪು
ನಿನ ಸ್ತೋತ್ರದರಿಕೆ
ಮಳ್ಪುನಗ ಯೆಂಚ ಉಪ್ಪು?
ಆಹಾ ನಿತ್ಯಾ ಭಾಗ್ಯನೇ.