Verse 1
ಬಲ್ಲೆ ಇನಿ ಸ್ತೋತ್ರ ಕೊರ್ಲೆ
ಪಾಪಿಗಾಂಡ್ ರಕ್ಷಣೆ
ಮುರ್ತಿಪೂಜೆ ಭೂತಸೇವೆ
ಸುಳ್ಳು ಮೋಸ ಪಾಪೊಡ್ದೇ
ಬುಡುಗಡೆ ಆಪಿಲೆಕ್ಕ
ತತ್ತ್‍ಪೋಯಿ ಮಗನಲ್ಕ
ಯೇಸು ಲೆಪ್ಪು ಕೇಂಡ್‍ದ್
ಬತ್ತೆ ಸ್ವಾಮಿ ಕೈತಳ್.
Verse 2
ಕಷ್ಟ ನಷ್ಟ ತಾಪತ್ರಯ
ಶೋಧನೆ ಉಪದ್ರೊಳು
ಇನ್ಪಿ ಪೆಟ್ಟುಳೆಡ್ದ್ ಆಯ
ಮನಸಾಕ್ಷಿ ಕುಟ್ಟುದು
ಆಯಗಾಂಡ್ ಸ್ವಾಮಿಲೆಪ್ಪು
ತೂದು ಆಯೆ ಎಡ್ಡೆ ದಪ್ಪು
ಪಾಪ ಬುಡ್ದು ತಿಂರ್ಗಿಯೆ
ಇತ್ತೆ ಸ್ನಾನ ಹೊಂದುವೆ.
Verse 3
ಅಮ್ಮೆ ಮಗೆ ಆತ್ಮಾದುಪ್ಪು
ದೇವೆರೆ ಪುದರ್‌ಡ್
ಸ್ನಾನ ಆಯಿನಾಯಡುಪ್ಪು
ಮಲ್ಲ ಪಾಪರಾಶಿನ್
ಕ್ರುಸ್ಸುಗೇರ್ದ್ ಸೈತ್ ಪೋಯಿ
ತಕ್ಕ ಪ್ರಾಯಶ್ಚಿತ್ತ ಆಯಿ
ರಕ್ಷಕನ್ ನಂಬುದೇ
ಪರಿಹಾರ ಮಳ್ತೊಂಡೆ.
Verse 4
ತಿಂರ್ಗಿ ಒಂಜಿ ಪ್ರಾಣೊಗಾದ್
ಹರ್ಷ ಪರಲೋಕೊಡು
ಆಪಿನೆಕ್ ಸರಿಆದ್
ಸಭೆ ಸ್ತೋತ್ರ ಮಳ್ಪೊಡು.
ದುಷ್ಟಲೋಕದಧಿಕಾರಿ
ಕ್ರಿಸ್ತ ವೈರಿಜನ ಭಾರಿ
ಉಗ್ರ ದಿಂಜಿದುಳ್ಳೆರ್
ಅಪಹಾಸ್ಯ ಮಳ್ಪೆರ್.
Verse 5
ಸ್ನಾನ ಆದ್ ಪೋಯಿ ಕೂಡ್ಲೆ
ಮುಗಿಂಡಂದ್‍ದೆಣ್ಣಡೆ
ಸಿಂಹದಲ್ಕ ವೈರಿ ತಾನೇ
ಬೇತೊಣ್ದುಳ್ಳೆ ಉಗ್ರೊಡೇ.
ನಿಂಗುಲೆಕ್ಕ ಸಾಸ ಮಳ್ತೆ
ಸೊಪಾವೆರೆ ಜನ ದೀಪೆ
ಬರು ಮೋಸ ಫಕ್ಕನೇ
ಎಚ್ಚರಿಗೆ ಉಪ್ಪುಲೆ.
Verse 6
ಕ್ರಿಸ್ತ ದಂಡ್ ಸೇರಿ ಜನಾ
ಸ್ಥಿರ ಆದ್ ಉಂತುಲೆ
ಅಂತ್ಯ ಮುಟ್ಟ ಉರ್ಡುನ್ಯಾಂಡ
ಜಯ ತಿಕ್ಕು ನಿಜನೇ.
ಜೀವಮಾಲೆ ದಿವ್ಯ ಮನ್ನ
ಪರಲೋಕದ ಮೃಷ್ಟಾನ್ನ
ಬಾಡಂದಿ ಬಾಧ್ಯಸ್ತಿಗೆ
ಯೇಸು ತಾನೇ ಕೊರುವೆ.