Verse 1
ನಿನಪ್ಪಣೆಗ್ ಸರಿಯಾದ್
ಯೇಸೋ ಈ ಸ್ನಾನ ಆಪುಂಡು.
ಪಾಪಿಷ್ಟೆರೆ ಉದ್ಧಾರೊಗಾದ್
ಈ ಕೊರಿ ವಾಕ್ ಉಂತುಂಡು.
ದಿವ್ಯಾತ್ಮ ಶಕ್ತಿ ಇತ್ತೆಲಾ
ಈ ದಯ ಮಳ್ಪು ಕರ್ತವಾ.
Verse 2
ತ್ರಯೈಕ ದೇವ ಪುದರ್ಗಾದ್
ಮೂಳಿತ್ತೆ ಆಪಿ ಸ್ನಾನೊಗು
ಶುದ್ಧಾತ್ಮಾ ಕೊರ್ಲ ಪೂರ್ತಿ ಆದ್
ಪ್ರಸಾದದಾಶೀರ್ವಾದೊನು
ಉಂದೆಡ್ದ್ ಕೀರ್ತಿ ಆವಡ್
ತ್ರಯೈಕ ಮಹಾ ಸ್ವಾಮಿಗ್.
Verse 3
ಪವಿತ್ರ ಸ್ನಾನೊಡು ಪುಟ್ಟಾವ
ಆ ಪುನರ್ಜನ್ಮ ಮೂಲೊನು.
ಪಾಪಿಷ್ಟೆರಾಯಿ ಯೆಂಕ್ಳು ಬರ್ಪ
ಈ ಕೊರ್ಲ ಸ್ವರ್ಗ ಭಾಗ್ಯೊನು.
ಕಟಾಕ್ಷ ಮಳ್ಪು ದಯೊಟು
ತ್ರಯೈಕ ದೇವಾ ರಕ್ಷಿಪು.
Verse 4
ಯೆಂಕುಳೆಗಾಂಡ್ ದಿವ್ಯ ಸ್ನಾನ
ಯೆಂಕುಳು ಯೇಸು ಶಿಷ್ಯೆರೇ.
ಯೇಸುಡ್ದು ಆಂಡ್ ಏತೋ ಮಾನ
ಯೆಂಕ್ಳೆಗ್ ಲೋಕ ದೂರನೇ.
ಸಂತೋಷ ಭಾಗ್ಯ ಯೇಸುಡು
ಯೆಂಕ್ಳೆನೌ ಆಸ್ತಿ ಆದುಂಡು.
Verse 5
ಬಾಲೆಳು ಅಂದ್‍ದೇ ದೆತ್ತೊಂಡ
ಸ್ವರ್ಗೊಡು ದೀತ ಬಾಧ್ಯತೆ.
ಸೈತಾನ ಕೈಡ್ದ್ ಈ ವೈಸೊಂಡ
ನನ ನಿನಡಿಯಾಳುಳೇ
ಫಲೊನು ಕೊರ್ವ ಆತ್ಮೊಡ್ದೇ
ಅಮ್ಮಾ ನಿಕ್ಕಾವು ಮಹಿಮೆ.