Verse 1
ಕೇಣ್ಲೆ ಇತ್ತೆ ಬಿತ್ತು ಕಾಲ
ಎಡ್ಡೆ ಬಿತ್ತ್ ಪಾಡ್‍ಗ.
ಕಂಡ ಉಂಡತ್ತಾ ವಿಶಾಲ
ಜಾಗ್ರತೆಡ್ದ್ ಬೆಣ್‍ಕ.
ಎಡ್ಡೆ ಬಿತ್ತ್ ಬೂರುನವು ಒಂತೆ
ಕೆಟ್ಟ ಬಿತ್ತ್ ಉಂಡು ಲೆಕ್ಕದಾಂತೆ.
Verse 2
ನಮ ಅವಿಶ್ವಾಸೊಗಾದ್
ಕೆಟ್ಟ ಬಿತ್ತ್ ದಿಂಜ್‍ಂಡ್
ಉರು ಉದಾಸೀನೊಗಾದ್
ಕ್ಷಾಮಕಾಲ ಬೈದ್‍ಂಡ್.
ಲೋಕ ಮಳ್ತ್ಂಡ್ಲಾ ಅನೇಕ ತಂತ್ರ
ಎಡ್ಡೆದಾಸೆ ಹೊಂದಯೆ ಅಭ್ಯಂತ್ರ.
Verse 3
ಬೆನ್ನಿದಾಯೆ ಬಿತ್ತ್ ಪಾಡ್ದ್
ಸುತ್ತ ಬೇಲಿ ಕಟ್ಟ್‌ದ್
ನಲ್ಲ್ಯೆ ಮಾತೆನ್ಲಾ ಕುಡಾದ್
ಎಡ್ಡೆ ಕಷ್ಟ ಮಳ್ಪಡ್
ಬುಳೆ ತಿಕ್ಕುರಾಶಿ ತುಂಬಲಾತ್
ಲಾಭ ಆವು ನಿಜ ಧನಿಕಾದ್.
Verse 4
ಸ್ವಾಮಿಗಾದ್ ನಮ ಕಷ್ಟ
ಬುಡ್ದು ಎಡ್ಡೆ ಬೆಂದಡ
ಬುಳೇಟೇಪ ಆಂಡ್ಲಾ ನಷ್ಟ
ಇಜ್ಜಿ ಉಂದು ನಿಶ್ಚಯ.
ತಾಳ್ಮೆ ಆದ್ ಕಾತೊಣ್ದುಪ್ಪುನಾಯೆ
ರಾಶಿರಾಶಿ ಬುಳೆನ್ ಕೂಡಾಯೆ.
Verse 5
ಕಷ್ಟ ವ್ಯರ್ಥ ಆದ್ ಪೋಂಡ
ಇನ್ಪಿ ದುಃಖ ಮಳ್ಪಡ.
ಕೊಯ್ಪಿ ಕಾಲಲಾ ಬರ್ಪುಂಡು
ಬೇಗ ಉಂಡು ನಂಬುಲ.
ಕಣ್ಣನೀರ್ ಬುಡ್ದು ಬಿತ್ತಿನ್ಯಾಂಡ್ಲಾ
ಕೊಯ್ವಿ ಕಾಲೊಡು ಸಂತೋಷ ಮಳ್ಪ.