Verse 1
ದುಂಬು ಪೋ ದುಂಬು ಪೋ
ದೇವಪ್ರಜೆ ಬೋಳ್ಪುಡು
ಶುದ್ಧ ಮಳ್ಪು ನಡತೆನ್
ಪ್ರೀತಿಭಾವ ತೋಜವು
ನಾಡ್ಲ ಜೀವವಸರ್‌ನ್.
ಸಾದಿ ಇಕ್ಕಟ್ಟಾಂಡ್ಲ ಚೀಯೋನೋ.
ದುಂಬು ಪೋ ದುಂಬು ಪೋ.
Verse 2
ತಾಳೊಣ್ಲ ತಾಳೊಣ್ಲ
ದೇವಪ್ರಜೆ ಲೋಕೊಡೇ
ನಿಕ್ಕ್ ಬರ್ಪಿ ಭಂಙ ಕಷ್ಟ
ಸೈನ ಮುಟ್ಟ ನಂಬಿಗೆ
ಈ ತೋಜಾಲ ಮೂಳು ನಷ್ಟ
ಆಂಡ ಔಳು ನಿಕ್ಕ್ ಸಂಬಳ.
ತಾಳೊಣ್ಲ ತಾಳೊಣ್ಲ.
Verse 3
ಕೇಣಡ ಕೇಣಡ
ಲೋಕದ ಕುಯುಕ್ತಿನ್
ಕೊರ್ಪೆ ಕೊರ್ಪೆ ಪಣ್ಪೇವುಂಡು
ಸುಖ ಹರ್ಷ ಆಸ್ತಿನ್.
ಬಾಯ್ದ ಚಮತ್ಕಾರ ಉಂದು
ಆಂಡ ಇಜ್ಜಿ ಪಂಡಿ ಪಾತೆರ.
ಕೇಣಡ ಕೇಣಡ.
Verse 4
ತೂವೊಣ್ಲ ತೂವೊಣ್ಲ
ದೇವಪ್ರಜೆ ಸೂಕ್ಷ್ಮೊಡು
ಮಂಗಾಟಾವು ಆತ್ಮ ಉಂಡು
ಐಕ್ ಎದುರುಂತೊಡು.
ನೀತಿ ಸತ್ಯ ಓಳು ಉಂಡು?
ದೇವವಾಕ್ಯೊಡೇ ತೋಜುಂಡತ್ತಾ
ತೂವೊಣ್ಲ ತೂವೊಣ್ಲ.
Verse 5
ನಂಬುಲ ನಂಬುಲ
ದೇವಪ್ರಜೆ ಯೇಸುವೇ
ನಿಕ್ಕ್ ಕೊರ್ಪೆ ಆತ್ಮ ಬಲ
ನಿತ್ಯ ಜೀವ ಸುಖನೇ.
ಲಕ್ಕ್ ಚೀಯೋನ್ ಹುಷಾರಾಲ
ಯೇಸು ಕೈಟ್ ಉಂಡು ಸಾಮರ್ಥ್ಯ.
ನಂಬುಲ ನಂಬುಲ.
Verse 6
ತೋಜಾಲ ತೋಜಾಲ
ಚೀಯೋನ್ ನಿನ ಧೈರ್ಯೊನು
ಪ್ರೀತಿದೈಕ್ಯ ಪುಟ್ಟಿನೆನ್.
ಯೇಸು ಕ್ರಿಸ್ತ ದಯೊಟು.
ಮಾತ ಎಡ್ಡೆ ಕ್ರಿಯೊಳೆನ್
ಮಳ್ಪು ಬುದ್ಧಿ ನಿಕ್ಕ್ ಬೈದ್‍ಂಡಾ?
ತೋಜಾಲ ತೋಜಾಲ.
Verse 7
ಜಾರಡ ಜಾರಡ
ಚೀಯೋನ್ ಉಂತು ಸ್ಥಿರೊಟೇ.
ನಿನನ್ ಸೋಪಾವುಲೆಕ್ಕ
ವೈರಿ ಸಾಸಕಟ್ಟುವೆ.
ಯೇಸು ಮದೆ ಸೇರು ಬೇಗ
ಕಡೇ ಲಡೈ ನಿಕ್ಕ್ ಆನಗ.
ಚಾರಡ ಜಾರಡ.