Verse 1
ತ್ರಯೈಕ ಇತ್ತಿ ಸ್ವಾಮಿನೇ
ನಂಬೊಣ್ದುಳ್ಳ ಸ್ಥಿರ ಆದ್
ನಿರ್ಮಾಣ ಆಂಡ್ ಆಯಡ್ದೇ.
ಮಾತ ನಮ ಸುಖೊಕಾದ್
ಉಂಡು ಮಳ್ತೆ ಅಮ್ಮೆ ಆದ್
ತಾಂಕೊಣ್ದುಳ್ಳೆ ಮಾತೆರೆನ್
ಸರ್ವತ್ರಾಣಿ ಸರ್ವಜ್ಞಾನಿ
ಆದ್ ತೂಪೆ ಸೃಷ್ಟಿಳೆನ್.
ಸಮಸ್ತ ಪರಿಪಾಲನೆ
ಸಮಾದ್ ನಡಪುಡುವೆ.
ಆಮೆನ್.
Verse 2
ಈ ದೇವಪುತ್ರ ಯೇಸುನೇ
ನಂಬೊಣ್ದುಳ್ಳ ಸ್ಥಿರ ಆದ್
ಅನಾದಿಡ್ದಮ್ಮ ಕೈತಳೇ
ಇತ್ತೆ ಪಾಪಿಜಾತಿಗಾದ್
ಕನ್ಯ ಪೊಣ್ಣ ಗರ್ಭೋಡಾದ್
ಅವತಾರ ದೆತ್ತಿನಾಯೆ.
ಮಾತ ಲೋಕಪಾಪೊಗಾದ್
ಸೈತ್‍ಪೋದು ಗೋರಿಡ್ದಾಯೆ
ಉತ್ಥಾನ ಆದ್ ಏರಿಯೆ
ಎಲ್ಲಂಜಿ ನ್ಯಾಯತೀರ್ಪುವೆ.
ಆಮೆನ್.
Verse 3
ಪವಿತ್ರ ಇತ್ತಿ ಆತ್ಮನೇ
ನಂಬೊಣ್ದುಳ್ಳ ಸ್ಥಿರ ಆದ್
ಅನಾದಿಡ್ದ್ ಪಿದಾಡಿಯೆ
ಅಮ್ಮ ಮಗ ಸಾಕ್ಷಿ ಆದ್
ಆಯೆ ಪಾಪಿಳೆಗಾಧಾರ
ಸರ್ವ ಎಡ್ಡೆ ವರೊಳೆನ್
ಮಾತ ಪಾಪ ಪರಿಹಾರ
ಕೊರ್ಪೆ ಸೈತಿನಾಕುಳೆನ್
ಈ ಲೋಕದಂತ್ಯಕಾಲೋಡು
ಲಕ್ಕಾವೆ ನಿತ್ಯ ಜೀವೊಗು.
ಆಮೆನ್.