Verse 1
ಯೇಸು ಕ್ರಿಸ್ತೆ ಅರಸಾದ್
ಆಳೊಣ್ದುಳ್ಳೆ ನಿಶ್ಚಯಾದ್
ಆಯೆ ನಿತ್ಯ ಕರ್ತವೆ.
ಮಾತ ಲೋಕದ ಜನಾಂಗ
ಸರ್ವ ಪ್ರಭುಗು ಸಾಷ್ಟಾಂಗ
ಬೂರ್ದು ಮಳ್ಪಿ ವಂದನೆ.
Verse 2
ಮೇಗಿಲೋಕ ರಾಜ್ಯಸ್ಥಾನ
ಭೂಮಿಡುಪ್ಪು ಜನ ಮಾನ
ಆಯ ಸೇವೆ ಮಳ್ಪೊಡು.
ಆಯ ರಾಜ್ಯ ಒರಿಯುಂಡು
ಆಯ ಪಟ್ಟ ಸ್ಥಿರ ಉಂಡು
ಆಯೆ ನಿತ್ಯ ಅರಸು.
Verse 3
ಆಯೆ ನಂಕ್ ವಾ ವಿಚಿತ್ರ
ಬಾಗ್ಯ ಕೊರುವೆ? ಪವಿತ್ರ
ರಕ್ತೊಡ್ದಾಯಿ ರಕ್ಷಣೆ
ದಯ ನೀತಿ ಸಮಾಧಾನ
ನಿತ್ಯಜೀವ ಮಲ್ಲ ಮಾನ
ಯೇಸುಡುಂಡು ನಿಜನೇ.
Verse 4
ನನ ಆಯೆ ನಿಶ್ಚಯಾದ್
ತನ ಪ್ರಿಯ ಸಭೆಕಾದ್
ಎಡ್ಡೆ ಚಿಂತೆ ಮಳ್ಪುವೆ.
ಉಂದೆಕಾದ್ ಮಾತ ಜನ
ವಶ ಆಲೆ ದಾಯೆ ನನ
ಈತ್ ಅಪನಂಬಿಗೆ?
Verse 5
ಮಾತ ಪಾಪಿಳೇ ಹೃದಯ
ಕೊರ್ಲೆ ಆಯಡ್ದೇ ಸಹಾಯ
ನಿಕುಳೆಗ್ ಆಪುಂಡು.
ಗಾಯೊಳೆನ್ ಆಯೆ ಕಟ್ಟೆ
ಸಂಪು ಎಣ್ಣೆ ಆಯೆ ಪಟ್ಟೆ
ವಾಸಿ ಮಳ್ಪೆ ನಿತ್ಯೊಗು.
Verse 6
ಶಾಪ ಹೊಂದಿ ದಿಂಜ ಜನ
ಬುಡುಪಾದ್ ನೀತಿ ಮಾನ
ಆಕುಳೆಗ್ ಪಟ್ಟಿಯೆ.
ಬಲ್ಲೆ ಆಯ ಕೈತಡೆಗ್
ಆಯೆ ಬರ್ಪಿನಾಕುಳೆಗ್
ನಿತ್ಯ ಭಾಗ್ಯ ಕೊರುವೆ.
Verse 7
ಯೇಸು ಕ್ರಿಸ್ತೆ ಅರಸಾದ್
ಆಳೊಣ್ದುಪ್ಪುವೆ ಐಕಾದ್
ವಶ ಆಕ ಮಾತೆರ್ಲಾ.
ಸರ್ವ ಪ್ರಭು ಆದ್ ಉಳ್ಳೆ
ಆಯ ಮಹಿಮೆನ್ ತೂಲೆ
ನಮಸ್ಕಾರ ಮಳ್ಪುಗ.