Verse 1
ಯೇಸು ಕ್ರಿಸ್ತೆ ಅರಸು ಆದುಳ್ಳೆ
ಕೇಣ್ಲೆ ಮಾತ ಪ್ರಜೆಳೇ.
ಆಯ ದಿವ್ಯ ಮಹಿಮೆನ್
ತೂಲೆ ನಮಸ್ಕಾರ ಮಳ್ಪುಲೆ.
ಮಾತ ಭೂಮಿಡುಪ್ಪು ನರಗೋತ್ರ
ವಶ ಆದ್ ತಕ್ಕ ಸ್ತುತಿ ಸ್ತೋತ್ರ
ಪಣ್ಲೆ ಆಯೆ ರಾಜ್ಯೊನು
ಆಳೊಣ್ದುಳ್ಳೆ ನಿತ್ಯೊಗು.
Verse 2
ತನ ಶಿಷ್ಯೆರೆಗ್ ಆಶೀರ್ವಾದ
ಕೊರ್ದು ಪರಲೋಕೊಗು
ಪೋಪಿನೆಕ್ ದುಂಬು ತನ್ಕ್ ಮಾತ
ಅಧಿಕಾರ ಕೊರ್ತುಂಡು
ಇನ್ಪಿ ಕಾರ್ಯೊನಾಯೆ ತೆರಿಪಾದ್
ಮಿತ್ತ್ ಏರ್ದ್ ಸರ್ವ ಪ್ರಭು ಆದ್
ತನ ಅಮ್ಮ ಕೈತಳೇ
ರಾಜ್ಯ ಆಳೊಣ್ದುಪ್ಪುವೆ.
Verse 3
ಮಾತ ಅಧಿಕಾರ ಮಾತ ತ್ರಾಣ
ಆಯಗುಂಡು ಯೇಪಲಾ.
ಪರಲೋಕ ಆಯ ನಿತ್ಯ ಸ್ಥಾನ
ಸ್ಥಿರತ ಸಿಂಹಾಸನ.
ಔಳು ಆಯೆ ತನ ಸಭೆಕಾದ್
ಪೂರ್ತಿ ಜಯ ಹೊಂದಿನಾಯೆ ಆದ್
ಕುಳ್ಳೊಣ್ದುಳ್ಳೆ ನೀತಿಡೇ
ಮಾತ ನಡಪುಡುವೆ.
Verse 4
ಇತ್ತೆ ಆಯ ರಾಜ್ಯ ಮದೆಟುಂಡು
ಮಾತೆರೆಗ್ ತೋಜುಜಿ.
ರಾಶಿ ಜನ ನನ ದೂರ
ಉಂಡು ಐತ ಸುಖ ನಾಡುಜಿ.
ಕ್ರಿಸ್ತಾ ಯಾನ್ ನಿನ ದಾಸೆ ಆದ್
ಯೆನ ಪ್ರಾಣ ದೀತೆ್ ಸೇವೆಗಾದ್
ಈಯೇ ಯೆನ ಅರಸು
ನಿಕ್ಕ್ ಕೀರ್ತಿ ನಿತ್ಯೊಗು.
Verse 5
ನಿನ ಮಿತ್ತ್ ಭರವಸ ದೀದ್
ಸಾವು ಬರ್ಪಿ ಕಾಲೊಡು.
ಪರಲೋಕಭಾಗ್ಯೊಳೆಗ್ ಸೇರ್ದ್
ಮಾತ ಲೋಕಭಂಙೊಗು
ದೂರ ಆದ್ ಯಜಮಾನೆ ಆಯಿ
ನಿನ್ನಡೆಗ್ ಬರ್ಪೆ, ಯೆನ ಬಾಯಿ
ನಿನ ಸ್ತುತಿ ಸ್ತೋತ್ರೊನು
ಹರ್ಷ ಆದ್ ನುಡಿಯು.