Verse 1
ಹಲ್ಲೆಲೂಯ ಸಂತೋಷ ಇತ್ತಿ ದಿನ
ಹಲ್ಲೆಲೂಯ ಕ್ರಿಸ್ತೇಸು ಲಕ್ಕಿಯೆ.
ನಂಕಿಜ್ಜಿ ಸಾವು ನನ ಬಲಹೀನ
ನಿಜಾದ್ ಪೋಂಡು ಹರ್ಷ ಮಳ್ಪುಲೆ.
ಪಾತಾಳ ನಿನ ಜಯ ಓಳು ಉಂಡು?
ಓ ಸಾವು ನಿನ ಕೊಂಡಿ ಪೊಲಿಂಡ್.
ಕ್ರಿಸ್ತ್ಯೇಸು ಗೋರಿ ಇತ್ತೆ ಖಾಲಿ ಉಂಡು
ಸಂಪೂರ್ಣ ಜಯ ಆಯಗಾತ್‍ಂಡ್.
Verse 2
ಸಮಾಧಿ ನಿನ ಭಯ ಇತ್ತೆ ಪೋಂಡು
ಮಹಾ ಸಂತೋಷ ಕೊರ್ಪಿ ಕಾರ್ಯನೇ.
ನಿರ್ಲಯ ಜೀವ ನಂಕ್ ಯೇಸುಡುಂಡು
ಮಾತೆರೆಗೈನ್ ದಾನ ಮಳ್ಪುವೆ.
ಐಕಾದ್ ಬಲ್ಲೆ ಆಯೆ ಅರಸಾದ್
ವಿಶೇಷ ದಾನ ನಂಕ್ ಪಟ್ಟುವೆ.
ಈ ಮಲ್ಲ ಜಯವರ್ತಮಾನೊಗಾದ್
ಹರ್ಷಾದ್ ಸ್ತೋತ್ರರಾಗ ಮಳ್ಪುಲೆ.
Verse 3
ಈ ಜಯೊಕಾದ್ ಅಳಿಯಂದಿ ಜೀವ
ದೇವೆರ್ ನಂಕ್ ದಯ ಮಳ್ಪುವೆ.
ಕ್ರಿಸ್ತ್ಯೇಸು ಮಿತ್ತ್ ಭರವಸದೀಯ
ಮುನಿಯುನಾಯೆ ಯೇರ್ಲಾ ಉಪ್ಪುಜೆ.
ಯೆಂಚಿತ್ತಿ ದಯ ದೇವೆರೇ ನಮ್ಮಾಯೆ
ವಿರೋಧ ಯೇರ್ಲಾ ನನ ಮಳ್ಪೊಲ್ಯಾ?
ಮಧ್ಯಸ್ಥಗಾರೆ ಯೇಸು ನಂಕ್ ಉಳ್ಳೆ
ಆಯಡ್ದ್ ಪೂರ್ತಿ ಜಯ ಹೊಂದುವ.
Verse 4
ಸಮಸ್ತ ಪಾಪಿಜನ ಕೇಣ್ಲೆ ನನ
ಈ ವಾಕ್ಯೊಡೇ ನಂಕುಂಡು ರಕ್ಷಣೆ.
ಬುಡಂದೆ ದೇವೆರೆಗ್ ಕೊರ್ದು ಮಾನ
ಒಟ್ಟಾದ್ ಹರ್ಷಸ್ತೋತ್ರ ಮಳ್ಪುಲೆ.
ಕ್ರಿಸ್ತ್ಯೇಸೋ ಜೀವ ಕೊರ್ಪಿನಾಯೆ ಆದ್
ದಿನಾಲಾ ಈಯೇ ಮುಟ್ಟ ಉಪ್ಪುಲ.
ನಿನತಿಶ್ರೇಷ್ಠ ದಿವ್ಯ ಪ್ರೀತಿಗಾದ್
ಭೂಪರಲೋಕೊಡು ಸ್ತುತಿಪುವ.