Verse 1
ಯೇಸೋ ನಿನ ಶ್ರಮೆಳೆ
ಧ್ಯಾನ ಮಳ್ಪುನೆಕ್
ಯೆನ ಸ್ವಂತ ಬುದ್ಧಿಯೇ
ಈಯ್ಯವಂದ್ ಐಕ್
ನಿನ ದಯಾಸನೊಡ್ದು
ಕೊರು ಯೆಂಕ್ ಶಕ್ತಿ
ಯೆಂಕ್ ಈ ಕಲ್ಪಾವೊಡು
ತಕ್ಕ ಇತ್ತಿ ಭಕ್ತಿ.
Verse 2
ಯೆಸೋ ಪ್ರಿಯ ಕರ್ತವಾ
ಲೋಕೊಗು ಬೋಡಾದ್
ಈಯೇ ತಾಳಿ ಕಷ್ಟಲಾ
ಶ್ರಮೆಲಾ ಸಮಾದ್
ಯಾನ್ ಪಿದುಕೊಣುದೇ
ಉಂದು ಯೇರೆ ತಪ್ಪು
ಇನ್ಪಿನೆನ್ ತೂವೆರೆ
ಯೆನ ಕಣ್ಣ್ ಜಪ್ಪು.
Verse 3
ಗೆತ್ಸೇಮನೆ ತೋಟೊಡು
ನಿಕ್ಕ್ ಆಯಿ ಭಯ
ದುಃಖ ಕೊಲೆ ನಿಂದೆಳು
ಪೆಟ್ಟ್‌ಡ್ದಾಯಿ ಗಾಯ
ಮುಳ್ಳು ಮಾಲೆ ಕ್ರುಸ್ಸುದ
ಕಷ್ಟ ಭಂಙ ಮಾತ
ಯೆನ ಪಾಪಕರ್ಮದ
ದಿಸೆಟಾಯಿ ಘಾತ.
Verse 4
ಅಂದ್ ಪ್ರಿಯ ಕರ್ತವಾ
ಯಾನ್ ಮಳ್ತಿ ಪಾಪ
ನಿನ ಮಿತ್ತ್ ಮರಣ
ಇನ್ಪಿ ಮಲ್ಲ ಶಾಪ
ಪಾಡ್ದ್ ಪೀಡೆ ಕೊರ್ನಗ
ಸತ್ಯ ಪಶ್ಚಾತ್ತಾಪ
ದುಃಖ ಮಳ್ಪು ಹೃದಯ
ಯೆನಡ್ ಪುಟ್ಟಾಲ.
Verse 5
ಅಪಮಾನ ಹಾಸ್ಯಲಾ
ನಿನ ಪುದರ್ಗಾದ್
ಯೆನ ಮಿತ್ತ್ ಬನ್ನಗ
ಯಾನ್ ಧೀರೆ ಆದ್
ನಿನ ಕ್ರುಸ್ಸು ಎಣ್ಣ್‌ದ್
ತಾಳೊಣ್ದುಪ್ಪು ಲೆಕ್ಕ
ಕೊರ್ಲ ಯೆಂಕ್ ಮಿತ್ತ್‌ಡ್ದ್
ಆತ್ಮದಭಿಷೇಕ.