72. ಲಕ್ಕ್‌ಲ ಯೆರೂಸಲೇಮೋ
Verse 1
ಲಕ್ಕ್‌ಲ ಯೆರೂಸಲೇಮೋ
ಬೊಳ್ಪು ಮೂಡುದಾಂಡತ್ತಾ?
ಸುತ್ತ ತೂಲ ಪ್ರಭೆ ಏತೋ?
ಪೊಸ ಬೊಳ್ಳಿ ಮೂಡ್ದುಜಾ?
ಮೂಡಯಿದ ಜೋಯ್ಸೆರ್
ಬೊಳ್ಳಿ ತೂದು ಬತ್ತೆರ್.
Verse 2
ಬೆತ್ಲೆಹೇಮುದಂಚಿ ಮೂಡಿ
ಒಂಜಿ ಪೊಸ ನಕ್ಷತ್ರ
ಬೊಳ್ಪು ಕೊರ್ದು ಮಾತ ಕೋಡಿ
ಮಳ್ತಂಡೇತೋ ವಿಚಿತ್ರ.
ತೂಲೆ ಕ್ರಿಸ್ತ ಜನ್ಮೊಗು
ಲೋಕೊಡಾಯಿ ಗುರ್ತೊನು.
Verse 3
“ಓಳು ಉಳ್ಳೆ ಆ ಮೆಸ್ಸೀಯೆ
ಯೂದಾ ದೇಶದರಸು?
ದೇವೆರೆಂಕ್ಳೆಗ್ ತೋಜಾಯೆ
ಆಯನೌ ನಕ್ಷತ್ರೊನು.”
ಇಂಚ ಪಾಕ ಜನೊಳು
ಕೇಂಡೆರ್ ಸಾಲೇಮುಡು.
Verse 4
ಬೊಳ್ಳಿದಂಚಿ ದೃಷ್ಟಿ ದೀದ್
ಪೋಯೆರ್ ಬೆತ್ಲೇಮುಗು;
ತೂಯಿ ಬೊಕ್ಕ ಹರ್ಷ ಆದ್
ಅಡ್ಡಬೂರ್ದು ಯೇಸುಗು
ಕೊರ್ಯೆರ್ ಭಂಗಾರ್‍ಲಾ
ಬೊಳ್ಳಿಲಾ ಲೋಭಾನಲಾ.
Verse 5
ಅನ್ಯ ಜನತೌ ಕಡೀರ್
ಮೂಡಯಿಡ್ದ್ ಬತ್ತ್ಂಡ
ಲೋಕೊಡುಪ್ಪುನೌ ನಡೀರ್
ಪೋವೆರೆ ತೊಡಗ್‍ಂಡ್
ಮಾತೆರ್ಲಾ ಈ ಯೇಸುಗು
ಕೊರೊಡು ಸನ್ಮಾನೊನು.
Verse 6
ಧೈರ್ಯೊಡುಪ್ಪು ಕ್ರೈಸ್ತಗೋತ್ರ
ಕ್ರಿಸ್ತ ಬೊಳ್ಪು ಪರ್ಬಾಲ.
ಮಾತ ಜನ ಆಯ ಸ್ತೋತ್ರ
ಪಣ್ಪಿಲೆಕ್ಕ ಮಳ್ಪುಲ.
ಕ್ರಿಸ್ತೆ ಕೊರ್ಪಿ ಬೊಳ್ಪುಡು
ರಾತ್ರೆ ಮಾತ ಪಾರೊಡು.