Verse 1
ಸಂಗೀತ ಮಳ್ತ್ ಬಲ್ಲೆ
ಸ್ವಾಮಿಗ್ ಮುಟ್ಟ ಆಲೆ
ಈತೊರ್ತು ಕೊರ್ತೆ ತ್ರಾಣ
ಜೀವೊಗು ಕೊರ್ಲೆ ಮಾನ.
Verse 2
ವರ್ಸೊಡ್ದು ವರ್ಸ ನಮ
ಪ್ರಯಾಣೊಡುಪ್ಪು ಜನ
ಈ ಲೋಕ ಕಾಡ್ ಜಾಗ್
ಮಿತ್ತೇ ನಂಕುಂಡು ಹಕ್ಕ್.
Verse 3
ಕಡತ್‍ಪೋಯಿ ವರ್ಸ
ಅನೇಕೆರೆಗ್ ಹರ್ಷ
ಉಂದೆಡ್ದ್ ಹೆಚ್ಚ ಮಂದೆ
ಸಂಕಷ್ಟ ತೂವೊಡಾಂಡೆ್.
Verse 4
ಆಂಡ ನಂಕಾಯಿ ಕಷ್ಟ
ಉಂದೆತ ನಷ್ಟ ಭ್ರಷ್ಟ
ಏತಾಂಡಲಾ ಆಶ್ರಯ
ಸಹಾ ಉಂಡು ನಿಶ್ಚಯ.
Verse 5
ಬಾಲೆಳೆಗ್ ಗಂಡಾಂತ್ರ
ಆನಗನೇ ನಿರಂತ್ರ
ಐಕುಳೆಗಾದ್ ಚಿಂತೆ
ದೆತ್ತೊಣು ಅಪ್ಪೆನ್ತೂಲೆ.
Verse 6
ದೇವೆರ್ ಅವ್ವೇ ಲೆಕ್ಕ
ನಮನ್‍ಲಾ ಅನೇಕ
ಆಪತ್ತ್ ಭಂಙೊಳೆಡ್ದ್
ತಪ್ಪಾವೆ ಮಮತೆಡ್.
Verse 7
ಪ್ರಾಣೊನು ಕಾಪು ಕರ್ತಾ
ಯೆಂಕುಳೆ ಚಿಂತೆ ವ್ಯರ್ಥ
ಕೆಲಸೊಳೆಗ್ ಮಾತ
ಬೋಡು ನಿನಾಶೀರ್ವಾದ.
Verse 8
ನಿನತಿ ಶ್ರೇಷ್ಠ ದಯ
ಯೆಂಕುಳೆ ನಿತ್ಯಾಶ್ರಯ
ನಿನ ಸಹಾಯೊಗಾದ್ರ
ಕೊರ್ಪೇವ ನಿಕ್ಕ್ ಸ್ತೋತ್ರ.
Verse 9
ಕರ್ತವಾ ನನ ಮಿತ್ತ್
ದಯಾಶೀರ್ವಾದ ದೀದ್
ಮೂಳುಪ್ಪುನಾತ್ ಕಾಲ
ಸಹಾಯೊನು ತೋಜಾಲ.
Verse 10
ಇಕ್ಕಟ್ಟ್ ದ ಸಮಯ
ಉಂದುಲಾ ನಿನ ದಯ
ಧೈರ್ಯಾದ್ ಉಂತುಲೆಕ್ಕ
ಕೊರ್ಲ ತಾಳ್ಮೆ ವಿವೇಕ.
Verse 11
ಕಠೀಣ ಯುದ್ಧ ದ್ರೋಹ
ನೆತ್ತೆರ್ ಗುಪ್ಪು ಮೋಹ
ಉಂತಾಲ ಮಾತ ಸ್ಥಾನ
ಹೆಚ್ಚಾಲ ಸಮಾಧಾನ.
Verse 12
ಯೆಂಕುಳು ಮಳ್ಪು ಬೇಲೆ
ಉದ್ಯೋಗ ಮಾತ ವೇಳೆ
ಒದಗ್ ಬರ್ಪಿನೆಕ್
ಕೈಕೊರ್ಲ ಸರ್ವೆರೆಗ್.
Verse 13
ಅನಾಥ ಜೋಕುಳೆಗ್
ಕಂಗಾಲಾಯಿ ಮಾತೆರೆಗ್
ತೋಜಾಲ ಅಮ್ಮ ಮೋಕೆ
ಕರುಣ ದಯ ಜೋಕೆ.
Verse 14
ಅಸ್ವಸ್ಥದಾಕುಳೆಗ್
ಕೈಕೊರ್ಲ ಮಾತೆರೆಡ್
ಪುಟ್ಟಾಲ ತಾಳ್ಮೆ ಶಾಂತಿ
ಹೃದಯದ ವಿಶ್ರಾಂತಿ.
Verse 15
ಯೆಂಕ್ಳೆನ್ ನಡಪಾವು
ಸನ್ಮಾರ್ಗೊನು ತೋಜಾವು
ಶುದ್ಧಾತ್ಮದ ಸಹಾಯ
ಓ ಅಮ್ಮ ಮಳ್ಪು ದಯ.
Verse 16
ಕೊರ್ಲ ಈ ಮಾತ ದಾನ
ಪ್ರಾಣೊಗು ಸಮಾಧಾನ
ದಂಡ್ಯಾಲ ಐಶ್ವರ್ಯಾದ್
ಈ ಪೊಸ ವರ್ಸೊಗಾದ್.