Verse 1
ಯೇಸೋ ನಿಕ್ಕ್ ಆವಡ್
ನಿತ್ಯ ಸ್ತೋತ್ರ ಮಾನ.
ಯೆನ ಸೆರೆ ಪೋವಡ್
ಇನ್ಪಿನೆಕ್ ಸ್ಥಾನ;
ಬುಡ್ದು ಜನ್ಮ ದೆತ್ತೊಂಡ.
ನಿನ ಮಲ್ಲ ಪ್ರೇಮ
ದಯ ಅಂತಃಕರಣ
ಮಾತ್ರ ಯೆಂಕ್ ಕ್ಷೇಮ.
Verse 2
ಕಿದೆಟ್ ಈ ಪುಟ್ಟಿಯ
ಜೈದ ಬೈಪಣೆಡ್;
ಇನ್ಪಿನೆನ್ ತೂನಗ
ದುಂಬು ಮಹಿಮೆಡ್.
ಇತ್ತಿನಾಯೆ ದೆತ್ತೊಂಡ
ಇಂಚೀ ಹೀನ ಸ್ಥಿತಿ.
ಉಂದು ಏತೋ ಆಶ್ಚರ್ಯ
ನಿಕ್ಕ್ ಮಾನ ಕೀರ್ತಿ.
Verse 3
ಯಾನ್ ದಾನೆ ಮಳ್ಪುಗೆ್?
ನಿನ ಪ್ರೀತಿಗಾದ್
ಯೇಸೋ ಧೈರ್ಯ ಮಳ್ತ್‌ದೆ್
ಪೂರ್ತಿ ಮನಸಾದ್
ಮಳ್ಪೆ್ ನಿಕ್ಕ್ ವಂದನೆ
ನಿತ್ಯ ಸ್ತೋತ್ರ ಮಾನ.
ಈಯೇ ಯೆನ ರಕ್ಷಕೆ
ಯಾನೆ ನಿನ ದಾನ.
Verse 4
ಆಮೆನ್ ಯೇಸೋ ನಿಶ್ಚಯ
ಯಾನತ್ತಾ ನಿನ್ನಾಯೆ?
ಯೆಂಕ್ ನನ ಕರ್ತವಾ
ಲೋಕದಾಶೆ ದಾಯೆ?
ಮಲ್ಲ ಪಾಪಿ ಆಂಡಲಾ
ನಿನ ಮಿತ್ತ್ ಆಶೆ
ದೀವೊಣ್ದುಳ್ಳೆ್ ಯೇಪಲಾ
ಯಾನ್ ನಿನ ದಾಸೆ.
Verse 5
ತಕ್ಕ ಇತ್ತಿ ವಂದನೆ
ನಿಕ್ಕ್ ಯೆಂಚ ಅವು?
ದೂತ ಸೈನ್ಯದಾಕುಳೆ
ಸ್ತೋತ್ರ ಯೋಗ್ಯದವು.
“ದೇವೆರೆಗ್ ಮಹಿಮೆ
ಭೂಮಿಡಾಯ ಶಾಂತಿ
ದೇವದಯ ಮಾತ್ರನೇ
ನರಮಾನ್ಯ ಕಾಂತಿ.”