Verse 1
ಕ್ರಿಸ್ತೀಯ ಸಭೆತಾಕುಳೇ
ಸದ್ಭಕ್ತಿದಕುಳಾದ್
ಸಂಗೀತ ರಾಗ ಮಳ್ಪುಲೆ.
ಕ್ರಿಸ್ತ್ಯೇಸು ಕಾರ್ಯೊಗಾದ್
ನಮನ್ ಪ್ರೀತಿ ಮಳ್ತ್‌ದ್
ಬಹಳ ಮಲ್ಲ ಬಿಲೆಕ್
ದೆತ್ತೊಂಡೆ; ಸ್ತೋತ್ರ ಕೊರ್ಲೆ.
Verse 2
ಸೈತಾನೆ ಬಲಾತ್ಕಾರೊಡು
ನಮನ್ ಆಳೊಣ್ದಿತ್ತೆ
ತಿಕ್ಕಾಯೆ ದಿಂಜ ಮೋಸೊಡು.
ಅನ್ಯಾಯ ಕರ್ಮ ಇತ್ತೆ
ಹೆಚ್ಚಾದ್ ಇರ್ಕ್ ಪಗೆಲ್
ಪುಟ್ಟಾಂಡ್ ಮನಸ್ಸಾಕ್ಷಿಡ್
ಕಠೀಣ ದುಃಖ ಬೇನೆ.
Verse 3
ಹೃದಯ ಸ್ವಾಮಿದ್ರೋಹೊಡು
ಕಠೀಣ ಆಯಿನೆಡ್ದ್
ಲಕ್ಕಾಯ ದಿವ್ಯ ಕೋಪೊನು
ಅನೇಕ ಕರ್ಮೊಳೆಡ್ದ್.
ನನೊಂಜಿ ಮಿತ್ತ ಲೋಕೊಡು
ತೀರಂದಿ ನಿತ್ಯ ದಂಡೊಗು
ಮಾತೆರ್ಲಾ ಗುರಿ ಆಯ.
Verse 4
ಪಾಪಿಷ್ಟೆರೆಗ್ ದೇವೆರ್
ಕರುಣೊನು ತೋಜಾದ್
ತನತಿಪ್ರಿಯ ಮಗನ್
ನಮ ಉದ್ಧಾರೊಗಾದ್
ಈ ಲೋಕೊಗ್ಕಡಪುಡಿಯೆ
ನಂಕಾವೊಡಿತ್ತಿ ದಂಡನೆ
ತುಂಬಾಯೆ ಆಯ ಮಿತ್ತ್.
Verse 5
ಈ ದೇವಪುತ್ರೆ ಅಮ್ಮಗ್
ಸಂಪೂರ್ಣ ವಶ ಆದ್
ನರಾವತಾರ ಪ್ರೀತಿಡ್ದ್
ದೆತ್ತೊಂಡೆ ದಾಸೆ ಆದ್
ನಂಕಾದ್ ಕ್ರುಸ್ಸು ಕಮ್ಮೊಡೇ
ನೇಲೊಣ್ದು ಶಿಕ್ಷೆ ತಾಳೊಂಡೆ
ಉದ್ಧಾರ ಸಿದ್ಧ ಮಳ್ತೆ.
Verse 6
ಈ ವಾರ್ತೆ ನಂಬುನಾಕ್ಳೆಗೇ
ಉಂಡಾಂಡ್ ದಿವ್ಯ ಮಾನ
ಕ್ರಿಸ್ತ್ಯೇಸು ತಾನೇ ಆಕುಳೆ
ಸಂಪೂರ್ಣ ಸಮಾಧಾನ
ಐಕಾದ್ ದಿವ್ಯ ಮಹಿಮೆ
ನಿರ್ಲಯ ಇತ್ತಿ ಬಾಧ್ಯತೆ
ತಿಕ್ಕುಂಡು ಭಕ್ತೆರೆಗ್.