Verse 1
ಸಮಸ್ತ ಸೃಷ್ಟಿ ಕರ್ತವಾ
ಯೆಂಕುಳೆ ಪಾಪ ಕರ್ಮ
ಈ ದಿನನಿತ್ಯ ತೂಂಡಲಾ
ಕಟಾಕ್ಷ ಪ್ರೀತಿ ಧರ್ಮ
ನಂಬಿಗೆ ದಯ ಬುಡ್ಪುಜ
ಒಂಜೊಂಜಿ ಎಡ್ಡೆ ಕಾರ್ಯೊಗ್ಲಾ
ಮೂಲ ವಸರ್ ಈಯೇ.
Verse 2
ಈ ಪ್ರೀತಿ ತೂಪಿ ಮಾತೆರ್ಲಾ
ಕೊರ್ಪೇವೊಡು ಸನ್ಮಾನ
ನಿನತಿ ಶ್ರೇಷ್ಠ ಕೆಲಸ
ಕೊಂಡಾಡೊಡು ನಿರ್ಮಾಣ
ಸರ್ವಾಧಿಕಾರ ನಿನ್ನವೇ
ಈ ಲೋಕೊನಾಳು ದೇವೆರೇ
ಐಕಾದ್ ನಿಕ್ಕ್ ಸ್ತೋತ್ರ.
Verse 3
ಈ ಲೋಕದಂತ್ಯ ಮುಟ್ಟಲಾ
ನಿನ್ನಾಕುಳೆ ಆಶ್ರಯ
ಆದುಳ್ಳ್ಳ ನಡಪುಡುವ
ದುಷ್ಕಾಲೋಡು ಸಹಾಯ
ಮಳ್ಪೇವ ನಾನಾ ತರೊಟು
ಸಮಸ್ತ ನಿನ ಕಾರ್ಯೊಳು
ಆಶ್ಚರ್ಯದೌ ಆದುಂಡು.
Verse 4
ಈ ಮಾತ ಎಡ್ಡೆ ಮಳ್ಪುವ
ಎಣ್ಣಂದಿ ಪೊರ್ತುಳೆಡ್
ಈ ನಿನ ದಿವ್ಯ ಕೆಲಸ
ಅನೇಕ ಕಾರ್ಯೊಳೆಡ್
ತೊಡಗಿನೆನ್ ಮುಗಿತ
ಉಂದೆತ ಅಂತ್ಯ ತೂನಗ
ಆಶ್ಚರ್ಯ ಮಳ್ಪೊಡಾಂಡ್.
Verse 5
ಐಕಾದ್ ಪ್ರಿಯ ಕರ್ತವಾ
ಈ ಮಳ್ತಿ ದಯೊಕಾದ್
ಯಾನುಪ್ಪುನೆಂಗೆ ಯೇಪಲಾ
ಸಂತೋಷ ಮನಸಾದ್
ಪುಗರುವೆ್ ಓ ದೇವೆರೇ
ಆ ಲೋಕೊಡು ಕೊಂಡಾಡೆರೆ
ಸಹಾಯ ಯೆಂಕ್ ಮಳ್ಪು.