Verse 1
ಏತೋ ಸಂತೋಷ ಯೇಸು ಕುರಿ ಆದ್
ಈ ಪಾಲಕ ಕೈ ತಿರ್ತ್ ಉಪ್ಪುನೌ.
ಕ್ರಿಸ್ತ್ಯೇಸು ಬೆರಿ ಪೋಪಿ ಮಾನೊಗಾದ್
ಈ ಲೋಕದೆನ್ ಅಗ್ಗ ಮಳ್ಪುನೌ.
ಬೋಡಾಯಿ ಜೀವದಾನೊನೇ
ಕ್ರಿಸ್ತ್ಯೇಸು ಕೊರ್ಪೆ ತನ ಪ್ರಿಯ ಕುರಿಕೇ.
Verse 2
ಈ ಮೇವುದಳ್ಪ ನಿತ್ಯ ಜೀವಪಾನ
ಆ ಪರಲೋಕಮನ್ನ ತಿಕ್ಕುಂಡು.
ವಾ ಪ್ರಾಣಿಗಾಂಡಲಾ ಈ ದಿವ್ಯಮಾನ
ತೂನಗ ಕಣ್ಣ್ ಪಾರು ಒರೊಗು.
ಇಂಚಿತ್ತಿ ಪೊರ್ಲು ಬಾಳ್ವೆಡ್
ಉಪ್ಪುಂಡು ಕುರಿ ಮೇಪುನಾಯ ಜೋಕೆಡ್.
Verse 3
ಈ ಜೀವ ಬುಡ್ಪಿನವು ನನ ಕಷ್ಟ
ಭಕ್ತಗ್ ಉಪ್ಪಾ? ಎಡ್ಡೆ ಪಾಲಕೆ
ಪಾತಾಳ ಪೀಡೆ ದೆತ್ತೆ. ಆತ್ಮನಷ್ಟ
ನಂಕಾವೊಲ್ಯಾ? ಪಾತಾಳ ಜೈಸಿಯೆ.
ಶರೀರ ಜೀವ ಪೋಂಡಲಾ
ಜೀವಾತ್ಮ ಔಳು ಲಯಾವಂದ್ ಯೇಪಲಾ.
Verse 4
ಸಂತೋಷ ಸುಖ ಎಡ್ಡೆ ದಿನೊಳೆನ್
ಅಪೇಕ್ಷೆ ಮಳ್ಪು ಜನ ಮಾತೆರ್ಲಾ
ಈ ಎಡ್ಡೆ ಮೇಪುನಾಯ ತಾಂಕಣೆಗ್
ಹರ್ಷಾದ್ ಬಲ್ಲೆ ಆಯೆ ನಿಶ್ಚಯ
ಬಾಡಂದಿ ಪಜಿ ಪುಲೊಟು
ಮೇಪುವೆ. ಲೋಕ ತೌಡು ಮಾತ್ರ ಕೊರ್ಪುಂಡು.
Verse 5
ಈ ಮಲ್ಲ ಸುಖ ಬಾಗ್ಯ ರೀತಿ ತೂದು
ತೀರಂದಿ ಭಾಗ್ಯೊನೇ ಕಾತೊಣ್‍ಂಬೆ್.
ಆ ನಿತ್ಯಜೀವ ನೀರ್ ಜಲಕುಂಡು.
ಬಾಳುವೆ ಯೇಸು ಕ್ರಿಸ್ತ ಒಟ್ಟುಗೇ.
ಔಳಾಪಿ ಸುಖ ಸಂತೋಷ
ಪಂಡ್‍ದ್ ತುದಿ ಬೂರಂದ್. ಹಲ್ಲೆಲೂಯ.