Verse 1
ಕ್ರಿಸ್ತ್ಯೇಸೋ ನಿನ ಪ್ರೀತಿ
ಈ ಲೋಕ ತೂಪುಜಿ.
ಈತಾಂಡ್ಲಾ ನಿಜ ನೀತಿ
ಈ ಲೋಕೊಡುಪ್ಪುಜಿ.
Verse 2
ದುರ್ಬುದ್ಧಿ ಹೆಮ್ಮೆ ಪಾಪ
ಅನ್ಯಾಯ ಹೊರ್ತಂದೆ
ಬೋಡಾಯಿ ಪಶ್ಚಾತ್ತಾಪ
ಪಾಪಾತ್ಮೆ ಮಳ್ಪುಜೆ.
Verse 3
ಓ ಪಾಪಿ ನಿನ ಪಾಪ
ಏತುಂಡು ಪಿಂಬನಾ?
ಉಂದೆಕ್ ತಿಕ್ಕು ಶಾಪ
ಕಠೀಣದೌ ಅತ್ತಾ.
Verse 4
ಬೋಡಾಪಿ ದಿವ್ಯ ದಯ
ನಿಕ್ಕ್ ತಯಾರುಂಡು.
ಕ್ರಿಸ್ತ್ಯೇಸುಡೇ ಸಹಾಯ
ಉದ್ಧಾರ ತಿಕ್ಕುಂಡು.
Verse 5
ನಿನನ್ ಬುಡುಪಾದೆ
ಈ ಲೋಕ ನನಲಾ
ನಿಕ್ಕೀತ್ ಪ್ರಿಯ ದಾಯೆ?
ಬುಡ್ಲ ಈ ದಾಸತ್ವ.
Verse 6
ಯೆಂಕಾದ್ ಬಂದಿವಾನೆ
ಆದಿತ್ತ ಕರ್ತವಾ
ಪಾಪದ ಬಂದಿಖಾನೆ
ಈ ದೆತ್ತ್ ಪಾಡ್‍ದ.
Verse 7
ಪವಿತ್ರ ಯಜ್ಞ ಆದ್
ಈ ಸೈತ ಕರ್ತವಾ
ಪಾಪಾತ್ಮ ಸುಖೊಕಾದ್
ಈ ಶ್ರಮೆ ತಾಳೊಂಡ.
Verse 8
ಈ ನರಲೋಕಸುಖ
ಸಾಕಾಂಡ್ ದೇವೆರೆ
ನಿನತಿಪ್ರಿಯ ಮುಖ
ಬುಡಂದೆ ನಾಡುವೆ್.
Verse 9
ಈ ಲೋಕ ಕೊರ್ಪಿ ಮಾನ
ಪ್ರಪಂಚ ಮಾತಲಾ
ಪೋವಡ್ ನಿನ ಜ್ಞಾನ
ಸಾಕಾವು ಕರ್ತವಾ.