Verse 1
ಯೇಸು ನಮ್ಮ ರಕ್ಷಕೆ
ಪಾಪಪರಿಹಾರದಾನ
ಕೊರ್ಪೆ ನಂಕ್ ಪಾಪಿಳೇ
ಕೇಣ್ಲೆ ಈ ಸುವರ್ತಮಾನ.
ಸ್ಥಿರ ಆದ್ ನಂಬುಲೆ
ಯೇಸು ನಮ ರಕ್ಷಕೆ.
Verse 2
ಯೇಸು ನಮ ಪಾಲಕೆ
ಜೀವರೊಟ್ಟಿ ಜೀವಪಾನ
ಮಾತೆರೆಗ್ ಪಟ್ಟುವೆ.
ಆಯೆ ಮಾತ ತಕ್ಕ ದಾನ
ಕೊರ್ಪೆ ತನ್ನ ಕುರಿಕೇ
ಯೇಸು ನಮ ಪಾಲಕೆ.
Verse 3
ಯೇಸು ನಮ ಸ್ನೇಹಿತೆ
ಕಷ್ಟೊಳೆಡ್‍ಲಾ ಸಹಾಯ
ಬೋಡಲಾತ್ ಮಳ್ಪುವೆ
ಮಿತಿಮಿರು ಆಯ ದಯ
ತೂದು ಪ್ರೀತಿ ಮಳ್ಪುಲೆ
ಯೇಸು ನಮ ಸ್ನೇಹಿತೆ.
Verse 4
ಯೇಸು ನಮ ಬೋಧಕೆ
ಯಾನೇ ಮಾರ್ಗ ಸತ್ಯ ಜೀವ
ಇನ್ಪಿ ಆಯ ಬೋಧನೆ
ನಂಕ್ ಮಾತೆರೆಗಗತ್ಯ್.
ಕೇಣ್ಲೆ ಎಡ್ಡೆ ಕಲ್ಪುಲೆ
ಯೇಸು ನಮ ಬೋಧಕೆ.
Verse 5
ಯೇಸು ನಮ ಯಾಜಕೆ
ಆಯೆ ತನ ಜನೊಕಾದ್
ದಿವ್ಯ ಯಜ್ಞ ಮಳ್ತ್‌ದೆ
ಮದು ಪಣ್ಪಿನಾಯೆ ಆದ್
ಅಮ್ಮ ದುಂಬು ಉಂತುವೆ.
ಯೇಸು ನಮ ಯಾಜಕೆ.
Verse 6
ಯೇಸು ನಮ ಕರ್ತವೆ
ಸಾಲ ಮಾತ ಬೂಟಿನಾಯೆ
ಬೊಳ್ಳಿ ಅತ್ತ್ ನೆತ್ತೆರೇ
ನಿಷ್ಕ್ರಯಾದ್ ಕೊರಿನಾಯೆ
ನನ ದಾನೆ ಪೋಡಿಗೆ?
ಯೇಸು ನಮ ಕರ್ತವೆ.
Verse 7
ಪ್ರಿಯ ಯೇಸೋ ಸ್ವಾಮಿಯೇ
ಈಯೇ ಯೆನ ಯಜಮಾನೆ.
ನಿನ ಸೇವೆ ಮಳ್ಪುವೆ್
ನನ ಲೋಕ ಯೆಂಕ್ ದಾನೆ?
ಧೈರ್ಯ ತ್ರಾಣ ಕೊರುದು
ನಡಪಾಲ ಜಯೊಕು.