Verse 1
Pashchāᵗthāpa yiᵗthināyā
Niᵏk’ Yēsudē āshraya
Āya mēji kaithadeg’
Baᶥla, auḷu pāpiḷēg’
Jīvavasarundu; āye
Niᵏk’ thṛupthi korpināye
Thinla, parla, yī āhāra
Niᵏk’ yēpalā āḍhāra.
Verse 2
Andh’ yēpalā sahāya
Naᵗtoṇṇaga āye dhaya
Maḷpe; yenk’ bhaya dhāye?
Āye ādharipunāye,
Anthya muᵗta nadapāve;
Nithya rakshaṇe thōjāve
Āya kruˢsu, shrame, gāya
Undhē yena maᶥlāshraya.
Verse 3
Nīcha pāpi āyi yān’
Yena priya Rakshakan’
Paᵗthyĕ; yī vishwāsogādh’
Jīva thiᵏk’nd’ nijādh’
Hosiyaⁿnā, samāḍhāna;
HaᶥlelūYAH, nithya māna
Yenk’ undu; yī santhōşha
Sheᵗtāvandh’ lōkadhoşha.
Verse 4
Yena balahīnogādh’
Lōka yenanu sōpādh’
Manasdha samāḍhāna
Thaᵖpāvundu; ānda nana
Yēsu yena yajamāne
Shānthikōludu yenan’
Nadapādh’ korpe dhaya
Āyadē yenkundu jaya.
Verse 5
Niᵏk’ sthuthi, nithya prīthi
Nina dhaya, nina nīthi
Yena apanambigen’
Mātha pāpakarmolen’
Muᶜʰchundu, sarvāparāḍha,
Lōkadhanavatha mātha
Thumboṇdhiᵗthi Yēsu prīthi
Saipi muᵗta yena nīthi.
Verse 6
Shuᵈḍha roᵗti nishchayādh’
Ait’ Yēsu yajña ādh’
Polthi ayanau sharīra;
Undhē yenk’ dhivyāhāra
Yena sukhoku bōdādh’
Āye thāloṇdhiᵗthe āth’
Kaşhta, shrame Hosiyaⁿnā
Yenk’ yiᵗthe samāḍhāna.
Verse 7
Jīva korpi nija pāna,
Aparūpa āthmadhāna
Yēsu raktha nishchayādh’
Ait’ parpĕ, undhekādh’
Hosiyaⁿnā, samāḍhāna;
HaᶥlelūYAH, nithya māna
Yenk’ ānd’ lōkadhōşha
Sheᵗtāvandh’ yī santhōşha.
Verse 8
Yiᵗthe yena abhilāşhe
Pūrthi ānd’ mātha āshe
Yēsu miᵗthē dhṛuḍa ādh’
Āya miᵗth’ dhṛuşhti dhīdh’
Thūyi thūyināth’ heᶜʰcha
Upakāra sthuthi niᶜʰcha
Maḷpĕ; yena Yēsu dhaya
Yenk’ māthet’ sahāya.
Verse 9
Nana dhālā onji kaşta,
Chinthe, dhuhkha, bhang̃a, naşhta,
Balahīna, apamāna
Āndalā, yī maᶥla dhāna
Thūdhu Yēsu avathāra,
Sāvu, jayasamāchāra
Yenkādhundu yinpi vākya,
Paᵗthoṇdhuᶩḷĕ aitē bhāgya.