Verse 1
ರಾಜಾಧಿರಾಜ ಪುತ್ರಗೆ
ಕೊಡೀಶ ನ್ಯಾಯತೀರ್ವಿಕೆ
ಏರ್ಪಡಿಸೋನು ನ್ಯಾಯವ
ಭೂಮಿಲಿ ಸಮಾಧಾನವ.
Verse 2
ಕ್ರಿಸ್ತ್ಯೇಸು ರಾಜನಾಳುವ
ಚಂದ್ರಾರ್ಕರಿರ್ವ ತನಕ
ಸಮುದ್ರದಿಂ ಸಮುದ್ರಕು
ಈ ರಾಜ್ಯಕಂತ್ಯವಿರದು.
Verse 3
ಸುಮಂಗಳಾಶೀರ್ವಾದವು
ಈ ಧನಿಗಾಗಿ ಏಳ್ವದು
ಈ ನಮ್ಮ ತುಟಿ ಸಹಿತ
ಹಾಡೋದು ಘನಸ್ತೋತ್ರವ.
Verse 4
ಭೂಲೋಕಕುಲದವರು
ಆತನ್ನ ಸೇವಿಸುವರು
ಭೂರಾಜಸಂಘವೆಲ್ಲವು
ಹೇಮಾದಿ ದಾನ ತರೋದು.
Verse 5
ಆಕಾಶ ಮಳೆ ಸುರಿಸಿ
ಈ ಭೂಮಿ ತೋಯ್ಸುವಂದದಿ
ದೇವಾತ್ಮ ವೃಷ್ಟಿಗರೆದು
ಹೃತ್‍ಕ್ಷೇತ್ರ ಹದಮಾಡಿತು.
Verse 6
ಈ ವರೆಗೆಷ್ಟೋ ಕಡಿಮೆ
ಉಂಟಾಯ್ತು ಪುಷ್ಟಿ ಪೈರಿಗೆ
ಹೆಚ್ಚಾಗಲಿನ್ನು ಬೆಳೆಯು
ಎಲ್ಲೆಲ್ಲೂ ಸಭಾಸಂಖ್ಯೆಯು.
Verse 7
ಗುಲಾಮಬಂಧ ಛೇದಿಸಿ
ದರಿದ್ರರಿಂಗೆ ಸಂತೃಪ್ತಿ
ಕಂಗಾಲರಿಂಗೆ ಮೋಕ್ಷವ
ಕಟಾಕ್ಷದಿಂದ ಕೊಡುವ.
Verse 8
ಭೂಸ್ವರ್ಗಲೋಕದೊಳಗೆ
ಕ್ರಿಸ್ತ್ಯೇಸು ಘನನಾಮಕೆ
ಕೊಂಡಾಟ ಸ್ತೋತ್ರ ಮಾನವು
ಇಂಪಾಗಿ ಏಳಲೆಂದಿಗು.